Siðfræðinefnd er tekin til starfa á Landspítala - háskólasjúkrahúsi og fundar á tveggja vikna fresti. Siðfræðinefnd er vettvangur siðfræðiumræðu innan sjúkrahússins og er ætlað að taka þátt í að móta stefnu og starfsaðferðir sjúkrahússins í siðfræðilegum álitamálum.
Nefndin mun standa fyrir kynningum og fræðslu um siðfræðileg málefni, sem snerta starfsmenn heilbrigðisstétta. Sjúklingar, aðstandendur og starfsfólk geta leitað til nefndarinnar með siðfræðileg álitamál sem snerta Landspítala - háskólasjúkrahús.
Nefndin hvetur starfsmenn til þess að leita til sín ef þeir hafa einhver mál sem þeir telja að eigi erindi til siðfræðinefndar. Nefndin mun setja sér vinnureglur um meðferð slíkra mála og kynna þær á vettvangi sjúkrahússins.
Siðfræðinefnd er skipuð sjö mönnum. Hjúkrunarráð og læknaráð tilnefna hvort sinn fulltrúa, framkvæmdastjóri hjúkrunar og framkvæmdastjóri lækninga hvor sinn, tvo fulltrúa velur framkvæmdastjórn fyrir aðrar starfsstéttir. Forstjóri skipar einn fulltrúa og velur formann.
Siðfræðinefnd er með heimasíðu á upplýsingavef LSH, undir "Um Landspítala/Nefndatal"
Nefndarmenn:
| Hildur Helgadóttir formaður | s. 525 1625 | hildurhe@landspitali.is |
| Jón Eyjólfur Jónsson varaformaður | s. 560 2252 | jonejon@landspitali.is |
| Hafsteinn Ingólfsson ritari | s. 560 2959 | hafing@landspitali.is |
| Katrín Pálsdóttir | s. 525 1705 | katrinp@landspitali.is |
| Margrét Bárðardóttir | s. 560 1680 | margreba@landspitali.is |
| Ólafur Þ. Jónsson | s. 560 1070 | olafjon@landspitali.is |
| Sigfinnur Þorleifsson | s. 525 1235 | sigfinn@landspitali.is |
Varamenn eru;
Anna Sigríður Einarsdóttir, Felix Valsson, Ingvar Kristjánsson, Rósa Kristjánssóttir, Steinunn Ingvarsdóttir, Vigdís Jónsdóttir, Þóra Árnadóttir.