Leit
Loka

Stjórnmálaflokkarnir svara hjúkrunarráði og læknaráði LSH

Stjórnmálaflokkarnir hafa svarað þeim átta spurningum sem læknaráð og hjúkrunarráð Landspítala - háskólasjúkrahúss lögðu fyrir þá vegna kosninga til Alþingis 12. maí 2007.


Eftirfarandi spurningar lögðu læknaráð og hjúkrunarráð Landspítala - háskólasjúkrahúss fyrir stjórnmálaflokkanna sem bjóða fram til Alþingis vegna kosninga 12. maí 2007. Svör hvers og eins við tiltekinni spurningu eru birt á einni síðu. Handahófsval réði röð flokka á svarsíðunum.

1. Hvernig hyggst flokkurinn tryggja fjármagn til byggingar nýs háskólasjúkrahúss (þjóðarsjúkrahúss). Hvenær á framkvæmdum að vera lokið?
2. Hvernig vill flokkurinn stuðla að lausn á húsnæðisvanda sjúkrahússins þar til nýtt háskólasjúkrahús rís.
3. Hvernig ætlar flokkurinn að bregðast við manneklu í heilbrigðisstéttum, svo sem hjúkrun?
4. Hvað ætlar flokkurinn að gera til þess að byggja upp nauðsynlega þjónustu utan spítalans (til dæmis hjúkrunarheimili eða félagsleg úrræði) svo að sjúklingar þurfi ekki að dvelja óeðlilega lengi á spítalanum eftir að meðferð lýkur.
5. Hvað telur flokkurinn þurfa að gera til þess að styrkja rekstur sjúkrahússins fjárhagslega? Vill flokkurinn breyta fjármögnun spítalans með því að tengja fjármögnun við umfang starfseminnar (DRG)?
6. Hver er afstaða flokksins til einkarekstrar eða útboða einstakra verkefna í heilbrigðisþjónustu ? (hér er ekki spurt um almannatryggingakerfið eða einkavæðingu heilbrigðisþjónustunnar)
7. Hver er afstaða þíns flokks til flutnings tryggingamála frá heilbrigðisráðuneyti til félagsmálaráðuneytis?
8. Ef heilbrigðis- og tryggingamálaráðuneytið kemur í hlut flokksins eftir kosningar, hver verða þá forgangsverkefnin?