Leitað þátttakenda í rannsókn á áhættuþáttum kæfisvefns

• 04.03.2019

LungnalækningarForsíðufréttirForsíðufréttirLungnalækningar

Áhrif líkamsbyggingar og lífeðlisfræði á breytileika efri loftvegs er til athugunar í vísindarannsókn á áhættuþáttum kæfisvefns og er leitað eftir grönnum einstaklingum án kæfisvefns í viðmiðunarhóp til að taka þátt í henni. Þeim sem vilja taka þátt býðst að skimað sé fyrir kæfisvefni með svefnrannsókn áður en endanleg þátttaka er ákveðin.

Rannsóknin fer fram á svefndeildinni á Landspítala Fossvogi.  Þórarinn Gíslason, yfirlæknir deildarinnar, er ábyrgðarmaður rannsóknarinnar, s. 543 1000.  Rannsóknin er þátttakendum að kostnaðarlausu. Að rannsókn lokinni býðst þátttakendum að  fá niðurstöður úr segulómskoðun, fráblástursmælingu og skimun fyrir kæfisvefni.

 Hverjir geta tekið þátt?

• Karlar og konur á aldrinum 18-70 ára.
• Þátttakendur verða að vera grannir (BMI ≤25).
• Heilsufar þarf að hafa verið stöðugt síðastliðna 2 mánuði.
• Fleiri þættir geta útilokað þátttöku í rannsókninni en spurt verður um slíkt ef viðkomandi hefur samband vegna áhuga á þátttöku.
  

Hvað felur rannsóknin í sér?

Full þátttaka í rannsókninni felur í sér fjórar heimsóknir.

1. Skimað er fyrir kæfisvefni með svefnrannsókn í heimahúsi.
2. Líkamsmælingar, fráblástursmælingu til að meta lungnastarfsemi, mældur er vöðvakraftur í tungu, svara þarf spurningalista, teknar eru stafrænar ljósmyndir af andliti og munnholi og skila þarf munnvatnssýni til mælinga á erfðaþáttum.
3. Ítarleg svefnrannsókn þar sem líkt verður eftir kæfisvefni með því að auka viðnám í öndunarvegi með þar til gerðum búnaði. Þessi hluti rannsóknarinnar er gerður inniliggjandi á Landspítala Fossvogi.
4. Segulómun (MRI) af efri loftvegi og kvið / ómun af tungu.

Frekari upplýsingar