Dæmi um vörur án latex eru svampfatlar, einnota lín-, hné og mjaðmapakkar, insúlínnálar, sondusprautur og tappar. Latex er þekktur ofnæmisvaldur, DEHP hefur hormónatruflandi áhrif og PVC er plast með ýmsum íblöndunarefnum sem geta haft neikvæð áhrif á umhverfi og heilsu. Því reynir spítalinn að forðast þessi efni sé þess kostur svo dæmi sé tekið, sjá frétt um PVC á vökudeild.
Annað dæmi eru skoðunarhanskar en frá og með 1. júní 2017 verður einungis boðið upp á nítril skoðunarhanska. Landspítali hættir að kaupa skoðunarhanska úr latex og vinyl (PVC). Tilgangurinn er þríþættur:
1. Draga úr öryggisógn vegna óþols/ofnæmis sem latex skoðunarhanskar geta valdið hjá sjúklingum og starfsfólki.
2. Styðja við umhverfisstefnu spítalans og ríkisins með því að hætta notkun vinyl/PVC (innihalda þalöt) sem getur skaðað umhverfi og heilsu.
3. Hagræðing næst vegna einföldunar birgðahalds og stöðlunar vöruúrvals sem aftur leiðir til einfaldari vörustýringar.
Í innkaupum á lækningatækjum eru settar kröfur um orkunýtni og takmörkun hættulegra efna. Við endurnýjun„Skutlunnar“, bíls sem er í ferðum milli Landspítala Fossvogi og Landspítala Hringbraut, voru sett umhverfisskilyrði um sparneytni og útblástur en ekki tókst í það skiptið að fá rafskutlu með nógu mikla drægni.