Kvennadeild Rauða krossins í Reykjavík hefur verið rausnarleg í gjöfum til öldrunarlækningadeilda Landspítala á undanförnum árum og var það enn árið 2016.
Fyrir styrki frá deildinni hefur verið hægt að kaupa margs konar búnað til lækninga, hjúkrunar eða endurhæfingar.
Árið 2013 var gerður samningur til tveggja ára milli deildarinnar og Landspítala um verkefni sem varða stuðning við öldrunarlækningadeildir spítalans. Samningurinn hefur síðan verið framlengdur frá ári til árs og er markmið hans að bæta aðbúnað aldraðra á Landspítala. Stuðningurinn felst fyrst og fremst í því að festa kaup á búnaði til lækninga, hjúkrunar eða endurhæfingar aldraðra. Kvennadeildin hefur verið með úthlutanir á hverju ári frá undirritun samningsins 2013. Árið 2016 fagnaði kvennadeildin 50 ára afmæli og af því tilefni gáfu konurnar hjálpar- og lækningatæki að andvirði 5 milljóna króna.
Í byrjun ársins 2017 var tekin í notkun hjálpartækjabanki á Landakoti. Þar eru geymd flest hjálpartæki sem legudeildir þurfa á að halda og því mjög aðgengilegt að nálgast tækin og fylgjast með hvaða tæki eru í notkun á hverjum tíma. Mörg af nýju hjálpartækjunum sem kvennadeildin gaf að þessu sinni fara í hjálpartækjabankann og nýtast því vel öllum deildum Landakots.
Í þakklætisskyni og til heiðurs konum í kvennadeild Rauða krossins í Reykjavík var boðið til kaffisamsætis á Landakoti þriðjudaginn 31. janúar 2017 og formlega tekið við þeirra höfðinglegu gjöfum.
Gjafir frá Kvennadeild Rauða Krossins í Reykjavík til öldrunardeilda Landspítala á afmælisárinu 2016 voru þessar:
3 stk. Loftskiptidýna með mótor í hjálpartækjabanka Landakoti
4 stk. Lyftari Sara Stedy á deildir K1 og B4 og tvær í hjálpartækjabanka Landakoti
1 stk. Segllyftari Goldmann með þremur seglum í hjálpartækjabanka Landakoti
1 stk. Gymna tripolus advanced þrískiptur æfingabekkur fyrir sjúkraþjálfun
1 stk. Hringkollur frá Vela fyrir sjúkraþjálfun
1 stk. Motomed viva 2 light æfingarhjól til Vífilsstaða
1 stk. BURE XL Electric göngugrind með 240 kg burðarþoli fyrir sjúkraþjálfun
2 stk. Taurus EL-HJB göngugrind með rafknúinni hæðarstillingu í hjálpartækjabanka Landakoti
3 stk. Taurus H-JHB göngugrind með gaspumpu í hjálpartækjabanka Landakoti
1 stk. Fangoheater vaxpottur fyrir iðjuþjálfun
1 stk. Stuðningsstöng með þvergripi í hjálpartækjabanka Landakoti