Guðrún Árný Guðmundsdóttir hjúkrunarfræðingur hefur verið ráðin deildarstjóri lungnadeildar A6 á Landspítala Fossvogi frá 15. ágúst 2016. Guðrún Árný lauk Bs námi í hjúkrunarfræði frá Háskóla Íslands árið 1995. Hún stundar nú meistaranám í stjórnun við hjúkrunarfræðideild HÍ.
Guðrún Árný starfaði sem hjúkrunarfræðingur á Heilbrigðisstofnun Þingeyinga (sem nú er hluti af Heilbrigðisstofnun Norðurlands) frá 1996 og sem stjórnandi frá 2008, fyrst sem deildarstjóri og svo yfirhjúkrunarfræðingur sjúkrasviðs frá 2010 til 2013. Hún hefur starfað sem hjúkrunarfræðingur og verkefnastjóri á smitsjúkdómadeild A7 í Fossovgi frá hausti 2014.