Sýkingavarnadeild veitti 27. maí 2016 starfsmönnum fjögurra deilda Landspítala viðurkenningu fyrir góða fylgni við leiðbeiningar um skartleysi á höndum og handhreinsun samkvæmt átaksverkefninu Með hreinum höndum. Deild 11G og K2 á Landakoti voru með yfir 90% fylgni við ábendingar handhreinsunar og á deildum 23D, 23B fæðingarvakt og K2 voru allir starfsmenn án handskarts þegar talning fór fram fyrr í mánuðinum.
Fæðingarvaktin fékk tertu í boði Bakarameistarans fyrir framúrskarandi fylgni við reglur Landspítala um skart á höndum.
Deild K2 á Landakoti var verðlaunuð fyrir bæði hæstu fylgni við handhreinsun sem og að vera ein af þremur deildum spítalans með ekkert skart á höndum við talningu í maí 2016. Starfsmennirnir fengu tertu í boði Bakarameistarans og veglegan gjafapoka frá Góu.
Fulltrúar af deild 11G taka við veglegum gjafapoka frá Góu sem viðurkenningu fyrir góða frammistöðu í fylgni við handhreinsun.
Vökudeild 23D fékk tertu í boði Bakarameistarans fyrir framúrskarandi fylgni við reglur Landspítala um skart á höndum.