Sjálfseignarstofnun St. Jósefsspítala afhenti þann 26. maí 2016 tvo styrki til doktorsnáms við Háskóla Íslands tengda Rannsóknarstofu Landspítala og Háskóla Íslands í öldrunarfræðum (RHLÖ). Þetta er í fjórða sinn sem Sjálfseignarstofnun St. Jósefsspítala afhendir doktorsstyrki en styrkirnir eru til þriggja ára og eru einskorðaðir við doktorsnema á öldrunarfræðasviði þar sem úrvinnsla gagna sé unnin í húsakynnum RHLÖ.
Við mat á umsóknum eru fengnir utanaðkomandi sérfræðingar. Í ár var dómnefnd skipuð af Guðný Eiríksdóttur framkvæmdastjóri rannsókna Hjartaverndar, Steinunni Hrólfsdóttur, dósent við félagsráðgjafardeild HÍ og Aðalsteini Guðmundssyni öldrunarlækni.
Ólöf Guðný Geirsdóttir ásamt rannsóknarteymi fengu styrk fyrir verkefnið „ Áhrifaþættir fyrir farsæla öldrun.“ Í umsögn dómnefndar kom fram að verkefnið muni nýta upplýsingar um fæðingarþyngd sem verður samkeyrð með völdum breytum sem tengjast lífsstíl og heilsfari úr gagnagrunni Reykjavíkur- og AGES 1 og 2 rannsóknum Hjartaverndar. Metin verða tengsl fæðingarþyngdar og lífsstílsþátta á miðjum aldri við líkur á hjúkrunarheimilisinnlögn. Verkefnið ætti að geta skilað niðurstöðum, sem bæta þekkingu á þáttum á fyrri hluta ævinnar sem hafa mögulegt forspárgildi fyrir vistun á hjúkrunarheimili.
Milan Chang Gudjonsson og Sigurveig H. Sigurðardóttir ásamt rannsóknarteymi fengu styrk fyrir verkefnið „Association of Early Life Socioeconomic Factors with Physical, Cognitive and Psychological Well-being in Old Age: AGES-Reykjavik Study“. Í umsögn dómnefndar kemur fram að verkefnið snýst um að kanna samband félagslegra þátta á miðjum aldri og lífsgæði seinna um ævina. Nýjungin í þessari rannsókn er sú að verið er að kanna félagslega þætti eins og menntun, atvinnu og húsnæði í tengslum við lífsgæði seinna á lífsleiðinni. Verkefnið er hluti af samþykktu Nordforsk verkefni sem leitt er af Johan Frtizell í Karolinska Institut í Stokkhólmi en styrkurinn verður nýttur fyrir úrvinnslu á íslenskum hluta verkefnisins.
Styrktarsjóður Sjálfseignarstofnunar St. Jósefsspítala, sem hefur það að markmiði að stuðla að þverfaglegum öldrunarrannsóknum við RHLÖ, mun auglýsa einn doktorsnemastyrk fyrir janúar 2017. Doktorsnemar eða leiðbeinendur sem eru í rannsóknum sem tengjast öldrun geta sótt um styrkina.
Mynd: Styrkþegar Sjálfseignarstofnunar St. Jósefsspítala vorið 2016. Ólöf Guðný Geirsdóttir, Sigurveig H. Sigurðardóttir og Milan Chang Gudjonsson ásamt Jóni Eyjólfi Jónssyni öldrunarlækni.
Við mat á umsóknum eru fengnir utanaðkomandi sérfræðingar. Í ár var dómnefnd skipuð af Guðný Eiríksdóttur framkvæmdastjóri rannsókna Hjartaverndar, Steinunni Hrólfsdóttur, dósent við félagsráðgjafardeild HÍ og Aðalsteini Guðmundssyni öldrunarlækni.
Ólöf Guðný Geirsdóttir ásamt rannsóknarteymi fengu styrk fyrir verkefnið „ Áhrifaþættir fyrir farsæla öldrun.“ Í umsögn dómnefndar kom fram að verkefnið muni nýta upplýsingar um fæðingarþyngd sem verður samkeyrð með völdum breytum sem tengjast lífsstíl og heilsfari úr gagnagrunni Reykjavíkur- og AGES 1 og 2 rannsóknum Hjartaverndar. Metin verða tengsl fæðingarþyngdar og lífsstílsþátta á miðjum aldri við líkur á hjúkrunarheimilisinnlögn. Verkefnið ætti að geta skilað niðurstöðum, sem bæta þekkingu á þáttum á fyrri hluta ævinnar sem hafa mögulegt forspárgildi fyrir vistun á hjúkrunarheimili.
Milan Chang Gudjonsson og Sigurveig H. Sigurðardóttir ásamt rannsóknarteymi fengu styrk fyrir verkefnið „Association of Early Life Socioeconomic Factors with Physical, Cognitive and Psychological Well-being in Old Age: AGES-Reykjavik Study“. Í umsögn dómnefndar kemur fram að verkefnið snýst um að kanna samband félagslegra þátta á miðjum aldri og lífsgæði seinna um ævina. Nýjungin í þessari rannsókn er sú að verið er að kanna félagslega þætti eins og menntun, atvinnu og húsnæði í tengslum við lífsgæði seinna á lífsleiðinni. Verkefnið er hluti af samþykktu Nordforsk verkefni sem leitt er af Johan Frtizell í Karolinska Institut í Stokkhólmi en styrkurinn verður nýttur fyrir úrvinnslu á íslenskum hluta verkefnisins.
Styrktarsjóður Sjálfseignarstofnunar St. Jósefsspítala, sem hefur það að markmiði að stuðla að þverfaglegum öldrunarrannsóknum við RHLÖ, mun auglýsa einn doktorsnemastyrk fyrir janúar 2017. Doktorsnemar eða leiðbeinendur sem eru í rannsóknum sem tengjast öldrun geta sótt um styrkina.
Mynd: Styrkþegar Sjálfseignarstofnunar St. Jósefsspítala vorið 2016. Ólöf Guðný Geirsdóttir, Sigurveig H. Sigurðardóttir og Milan Chang Gudjonsson ásamt Jóni Eyjólfi Jónssyni öldrunarlækni.