Árið 2015 voru ráðnir 6 nýir sérfræðingar í hjúkrun á lyflækningasviði Landspítala.
Berglind Guðrún Chu var ráðin sérfræðingur í hjúkrun smitsjúkdóma með áherslu á hjúkrun sjúklinga með húðsýkingar.
Berglind lauk MS námi í hjúkrun frá HÍ 2011. Hún lauk starfsnámi til sérfræðingsréttinda á Landspítala haustið 2013 og fékk starfsleyfi sem sérfræðingur 2014. Berglind hefur starfað á smitsjúkdómadeild meira og minna frá árinu 1999. Hún hefur verið stundakennari við hjúkrunardeild HÍ frá 2004 og aðjúnkt frá sömu deild frá vori 2014. Hlutverk Berglindar sem sérfræðingur í hjúkrun á Landspítala verður í formi ráðgjafar og fræðslu þvert á allar deildir og svið, sérstaklega tengt sjúklingum með húðsýkingar. Einnig sinnir hún stuðningi og eftirfylgd með viðtölum í gegnum síma eða komur á göngudeild.
Guðríður K. Þórðardóttir var ráðin sérfræðingur í hjúkrun hjartasjúklinga.
Guðríður lauk MS námi við HÍ 2010. Meistaraverkefnið hennar var fræðileg samantekt á líknarþjónustu fyrir sjúklinga með langt gengna hjartabilun og aðstandendur þeirra. Hún hefur unnið á hjartadeild 14EG frá 2002. Guðríður hefur lagt sérstaka áherslu á líknarmeðferð, lífslokameðferð og stuðning við syrgjendur í umbótastörfum í hjúkrun hjartasjúklinga undanfarin ár. Þá veitir hún ráðgjöf, stuðning og leiðbeinir varðandi hjúkrun sjúklinga með langt gengna hjartabilun. Guðríður er stundakennari við HÍ og hefur einnig tekið að sérkennslu nema bæði á deild en einnig á vegum menntadeildar. Hún hefur setið í stjórn Lífsins, samtaka um líknarmeðferð, í tæp 6 ár.
Guðríður hefur verið formaður hjúkrunarráðs frá síðastliðnum áramótum.
Halla Grétarsdóttir var ráðin sérfræðingur í krabbameinshjúkrun með áherslu á hjúkrun sjúklinga með illkynja blóðsjúkdóma.
Halla lauk MS námi árið 2012 frá HÍ og hlaut sérfræðiréttindi í lok árs 2014. Meistararitgerð hennar var rannsóknaráætlun um forprófun á einkennamatstækinu Edmonton Symptom Assessment Scale revised (ESASr). Í framhaldi af meistaranáminu hóf Halla starfsnám til sérfræðiviðurkenningar þar sem hún forprófaði ESASr og vann að innleiðingu á notkun einkennamats með ESASr. Sem sérfræðingur í hjúkrun sinnir Halla nú starfi teymisstjóra í teymi fyrir sjúklinga með blóðsjúkdóma á göngu- og dagdeild blóðlækninga 11B, ásamt því að sinna verkefnum á blóðlækningadeild 11G.
Hrefna Magnúsdóttir var ráðin sérfræðingur í hjúkrun sjúklinga með krabbamein.
Hrefna lauk MS námi í krabbameinshjúkrun árið 2012. Meistararitgerðin var rannsóknaráætlun sem fjallaði um lífsgæði, einkenni, líðan, meðferðarheldni og ánægju með nýja þjónustu meðal sjúklinga sem fá krabbameinsmeðferð í töfluformi, sem síðan leiddi til þróunar og innleiðingu á skipulegri hjúkrunarþjónustu við þennan sjúklingahóp á göngudeild 11 B. Hrefna hefur unnið á krabbameinssviði frá árinu 2008.
Sem sérfræðingur í hjúkrun sinnir Hrefna nú starfi teymisstjóra og stýrir teymi sjúklinga sem eru með krabbamein í meltingarfærum. Hrefna er einnig deildarstjóra til ráðgjafar varðandi fagleg málefni deildarinnar. Þá tekur hún þátt í ýmsum öðrum verkefnum s.s. gæðastarfi , innleiðingu nýrra starfshátta á krabbameinssviði , kennslu hjúkrunarnema og fleiru.
Jónína Hólmfríður Hafliðadóttir var ráðin sérfræðingur í hjúkrun langveikra taugasjúklinga með sérstaka áherslu á Parkinson sjúkdóminn.
Jónína lauk MS námi frá HÍ 2011 og hlaut sérfræðiréttindi 2014. Jónína var í starfsnámi til sérfræðingsréttinda á Landspítala og fékk starfsleyfi sem sérfræðingur í hjúkrun langveikra taugasjúklinga með sérstaka áherslu á Parkinson í júní 2014. Jónína hefur starfað allan sinn starfsaldur á ýmsum deildum Landspítala, lengstum í stjórnunarstöðum. Hún hefur starfað á taugalækningadeild frá árinu 1990 þar sem hún starfar enn. Áherslur Jónínu eru að styðja og fræða Parkinsonsveika einstaklinga og fjölskyldur þeirra. Einnig hefur Jónína lagt áherslu á að stuðla að betri og öruggari hjúkrunarþjónustu við þennan hóp á Landspítala og fleiri stofnunum með fræðslu og ráðgjöf til hjúkrunarfólks. Í þeim tilgangi að styðja við bætta þjónustu við þennan sjúklingahóp setti Jónína fram tilmæli um verklag: Hjúkrun sjúklinga með Parkinsonsveiki, sem finna má á vef LSH.
Rannveig Björk Gylfadóttir var ráðin sérfræðingur í hjúkrun sjúklinga með krabbamein með áherslu á endurhæfingu
Rannveig lauk MS námi við hjúkrunarfræðideild HÍ árið 2011 og hlaut sérfræðiréttindi 2014. Tilgangur meistaraverkefnis hennar var að skoða fýsileika ráðgjafameðferðarinnar: „Að takast á við lífið eftir krabbamein“ fyrir fólk sem er að takast á við þreytu að lokinni krabbameinsmeðferð. Rannveig vann 1997-1978 á krabbameinslækningardeild 11E á Landspítala Hringbraut en vann síðan til margra ára á Akranesi, bæði á lyflækningadeild og á heilsugæslu HVE. Rannveig var í föstu starfi í Ljósinu, endurhæfingar og ráðgjafamiðstöð frá 2012-2015. Rannveig stýrir þar áfram námskeiðum. Rannveig hefur unnið síðastliðin 2 ár á göngu- og dagdeild 11B, við stuðnings og slökunarmeðferð. Rannveig er formaður stjórnar fagdeildar krabbameinshjúkrunarfræðinga. Sem sérfræðingur í hjúkrun mun Rannveig starfa með endurhæfingarteymi sjúklinga sem hafa greinst með krabbamein, á LSH. Þar mun hún móta sýn og stefnu, þróa klínískar leiðbeiningar, sinna viðtalsráðgjöf, fræðslu og rannsóknum og vera í samvinnu við aðra fagaðila, innan sem utan LSH. Rannveig mun einnig sinna áfram stuðnings- og slökunarmeðferð.
Berglind lauk MS námi í hjúkrun frá HÍ 2011. Hún lauk starfsnámi til sérfræðingsréttinda á Landspítala haustið 2013 og fékk starfsleyfi sem sérfræðingur 2014. Berglind hefur starfað á smitsjúkdómadeild meira og minna frá árinu 1999. Hún hefur verið stundakennari við hjúkrunardeild HÍ frá 2004 og aðjúnkt frá sömu deild frá vori 2014. Hlutverk Berglindar sem sérfræðingur í hjúkrun á Landspítala verður í formi ráðgjafar og fræðslu þvert á allar deildir og svið, sérstaklega tengt sjúklingum með húðsýkingar. Einnig sinnir hún stuðningi og eftirfylgd með viðtölum í gegnum síma eða komur á göngudeild.
Guðríður lauk MS námi við HÍ 2010. Meistaraverkefnið hennar var fræðileg samantekt á líknarþjónustu fyrir sjúklinga með langt gengna hjartabilun og aðstandendur þeirra. Hún hefur unnið á hjartadeild 14EG frá 2002. Guðríður hefur lagt sérstaka áherslu á líknarmeðferð, lífslokameðferð og stuðning við syrgjendur í umbótastörfum í hjúkrun hjartasjúklinga undanfarin ár. Þá veitir hún ráðgjöf, stuðning og leiðbeinir varðandi hjúkrun sjúklinga með langt gengna hjartabilun. Guðríður er stundakennari við HÍ og hefur einnig tekið að sérkennslu nema bæði á deild en einnig á vegum menntadeildar. Hún hefur setið í stjórn Lífsins, samtaka um líknarmeðferð, í tæp 6 ár.
Guðríður hefur verið formaður hjúkrunarráðs frá síðastliðnum áramótum.
Halla lauk MS námi árið 2012 frá HÍ og hlaut sérfræðiréttindi í lok árs 2014. Meistararitgerð hennar var rannsóknaráætlun um forprófun á einkennamatstækinu Edmonton Symptom Assessment Scale revised (ESASr). Í framhaldi af meistaranáminu hóf Halla starfsnám til sérfræðiviðurkenningar þar sem hún forprófaði ESASr og vann að innleiðingu á notkun einkennamats með ESASr. Sem sérfræðingur í hjúkrun sinnir Halla nú starfi teymisstjóra í teymi fyrir sjúklinga með blóðsjúkdóma á göngu- og dagdeild blóðlækninga 11B, ásamt því að sinna verkefnum á blóðlækningadeild 11G.
Hrefna lauk MS námi í krabbameinshjúkrun árið 2012. Meistararitgerðin var rannsóknaráætlun sem fjallaði um lífsgæði, einkenni, líðan, meðferðarheldni og ánægju með nýja þjónustu meðal sjúklinga sem fá krabbameinsmeðferð í töfluformi, sem síðan leiddi til þróunar og innleiðingu á skipulegri hjúkrunarþjónustu við þennan sjúklingahóp á göngudeild 11 B. Hrefna hefur unnið á krabbameinssviði frá árinu 2008.
Sem sérfræðingur í hjúkrun sinnir Hrefna nú starfi teymisstjóra og stýrir teymi sjúklinga sem eru með krabbamein í meltingarfærum. Hrefna er einnig deildarstjóra til ráðgjafar varðandi fagleg málefni deildarinnar. Þá tekur hún þátt í ýmsum öðrum verkefnum s.s. gæðastarfi , innleiðingu nýrra starfshátta á krabbameinssviði , kennslu hjúkrunarnema og fleiru.
Jónína lauk MS námi frá HÍ 2011 og hlaut sérfræðiréttindi 2014. Jónína var í starfsnámi til sérfræðingsréttinda á Landspítala og fékk starfsleyfi sem sérfræðingur í hjúkrun langveikra taugasjúklinga með sérstaka áherslu á Parkinson í júní 2014. Jónína hefur starfað allan sinn starfsaldur á ýmsum deildum Landspítala, lengstum í stjórnunarstöðum. Hún hefur starfað á taugalækningadeild frá árinu 1990 þar sem hún starfar enn. Áherslur Jónínu eru að styðja og fræða Parkinsonsveika einstaklinga og fjölskyldur þeirra. Einnig hefur Jónína lagt áherslu á að stuðla að betri og öruggari hjúkrunarþjónustu við þennan hóp á Landspítala og fleiri stofnunum með fræðslu og ráðgjöf til hjúkrunarfólks. Í þeim tilgangi að styðja við bætta þjónustu við þennan sjúklingahóp setti Jónína fram tilmæli um verklag: Hjúkrun sjúklinga með Parkinsonsveiki, sem finna má á vef LSH.
Rannveig lauk MS námi við hjúkrunarfræðideild HÍ árið 2011 og hlaut sérfræðiréttindi 2014. Tilgangur meistaraverkefnis hennar var að skoða fýsileika ráðgjafameðferðarinnar: „Að takast á við lífið eftir krabbamein“ fyrir fólk sem er að takast á við þreytu að lokinni krabbameinsmeðferð. Rannveig vann 1997-1978 á krabbameinslækningardeild 11E á Landspítala Hringbraut en vann síðan til margra ára á Akranesi, bæði á lyflækningadeild og á heilsugæslu HVE. Rannveig var í föstu starfi í Ljósinu, endurhæfingar og ráðgjafamiðstöð frá 2012-2015. Rannveig stýrir þar áfram námskeiðum. Rannveig hefur unnið síðastliðin 2 ár á göngu- og dagdeild 11B, við stuðnings og slökunarmeðferð. Rannveig er formaður stjórnar fagdeildar krabbameinshjúkrunarfræðinga. Sem sérfræðingur í hjúkrun mun Rannveig starfa með endurhæfingarteymi sjúklinga sem hafa greinst með krabbamein, á LSH. Þar mun hún móta sýn og stefnu, þróa klínískar leiðbeiningar, sinna viðtalsráðgjöf, fræðslu og rannsóknum og vera í samvinnu við aðra fagaðila, innan sem utan LSH. Rannveig mun einnig sinna áfram stuðnings- og slökunarmeðferð.