Guðlaug Rakel kynnti David Cameron rauntímamælingar á bráðamóttöku

29.10.2015

Guðlaug Rakel Guðjónsdóttir, framkvæmdastjóri flæðisviðs Landspítala, kynnti forsætisráðherrum Bretlands og Eistlands, David Cameron og Taavi Rõivas, rauntíma árangursvísa á bráðamóttöku Landspítala á málþinginu The Northern Future Forum sem var haldið í Reykjavík 29. október 2015. Þar var rætt um vöxt og viðgang skapandi greina og nýsköpun í opinberum rekstri í þeim tilgangi að auka gæði opinberrar þjónustu.

Forsætisráðherra Íslands bauð til þessa málþings en forsætisráðherrar Norðurlandanna, Eystrasaltsríkjanna og Bretlands tóku þátt í þinginu.
Ásamt forsætisráðherrunum níu tóku ríflega 80 sérfræðingar frá Íslandi, Danmörku, Finnlandi, Eistlandi, Lettlandi, Litháen, Noregi, Svíþjóð og Bretlandi þátt í umræðum og skoðanaskiptum.

Í sömu málstofu og Guðlaug Rakel kynnti rauntímamælana fjölluðu fulltrúi frá Finnlandi um appið Noona sem er ætlað fyrir sjúklinga með krabbamein og skattstjórinn í Noregi fjallaði um nýsköpun í skattinnheimtu þar í landi.
Á eftir erindunum vrou 45 mínútna umræður þar sem kom fram skýr áhugi bæði Camerons og Rõivas á Landspítalaverkefninu en víða er verið að leita möguleikua á rauntímamælingum í opinbera geiranum.

Íslenska sendinefndin á nýsköpunarmálþinginu

Simpler, smarter and innovative Public Services