Leit
Loka

Hvað verður í meðferðarkjarnanum?

Hvað verður í meðferðarkjarnanum?
Fullnaðarhönnun nýs meðferðarkjarna Landspítala við Hringbraut er hafin með þeim samningi sem undirritaður var við Corpus hópinn 2. september 2015. Í meðferðarkjarnanum sameinast bráðastarfsemi Landspítala á einn stað. En hvað verður í þessum meðferðarkjarna?  Hægt er að fræðast um það í forhönnunarskýrslu SPITAL hópsins sem fullnaðarhönnunin verður byggð á. Útdráttur er birtur hér fyrir neðan.

Traust og umhyggja fyrir sjúklingunum og aðstandendum
ásamt hvetjandi starfsumhverfi eru grunngildi hönnunar
Meðferðarkjarnans, sem leitast við að hlúa að mannlegum
þáttum í umhverfinu og draga úr tæknilegu yfirbragði
spítalastarfseminnar.

Fyrirkomulag Meðferðarkjarna byggist á eftirfarandi þáttum:
» Innra skipulag er almennt og sveigjanlegt.
» Gott aðgengi, láréttar og lóðréttar leiðir milli deilda eru
stuttar og greiðar.
» Aðalanddyri við efri götu er í góðum tengslum við allar
deildir Meðferðarkjarna.
» Aðskildar umferðarleiðir sjúkraflutninga annars vegar og
almennings og vöruflutninga hins vegar.
» Þrjú stiga- og lyftuhús, sem tengjast aðalanddyri og öllum
deildum Meðferðarkjarna, eru fyrir almenna umferð og
vöruflutninga.
» Fjögur stiga- og lyftuhús eru fyrir sjúklingaflutninga milli
legudeilda og meðferðardeilda í suðurhluta hússins.
» Tengingar við aðliggjandi byggingar eru um ganga neðanjarðar og brýr á efri hæðum.
1. hæð
Aðkoma að fyrstu hæð frá neðri götu. Meginstarfsemi fyrstu hæðar er:
» Bráðamóttaka og skammverueining
» Fyrirlestrasalur, 300 sæti
» Apótek
» PET framleiðsla

2. hæð
Aðalaðkoma Meðferðarkjarna er á annarri hæð, gengið inn frá efri götu. Meginstarfsemi annarrar hæðar er:
» Aðalanddyri
» Mötuneyti
» Öryggisgæsla
» Kapella
» Myndgreining
» Endurhæfing
» Smitsjúkdómadeild

3. hæð
Almenn aðkoma að þriðju hæð er um stiga- og lyftuhús sem tengjast aðalanddyri á annarri hæð með aðkomu frá efri götu.  Meginstarfsemi þriðju hæðar er:
» Skurðaðgerðir
» Hjarta- og æðaþræðingar
» Gjörgæsla

4. hæð
Fjórða hæð Meðferðarkjarna skilur að meðferðar- og legudeildarhluta byggingarinnar. Stór hluti hæðarinnar fer undir tæknirými og þjónustu. Meginstarfsemi fjórðu hæðar er:
» Tækni
» Skrifstofur
» Hvíldaraðstaða bakvaktastarfsfólks
» Þjónusta

5. og 6. hæð
Legudeildir eru á 5. og 6. hæð. Þar eru 8 einsleitar deildir með 23-25 legurýmum á hverri deild. Leitast er við að hafa staðlað fyrirkomulag legudeilda, vakta, móttöku og sjúkrastofa. Það eykur öryggi og sveigjanleika í notkun.

Kjallari
Í kjallara er komið fyrir tækni- og þjónusturýmum sem eru:
» Búningsaðstaða
» Dauðhreinsun
» PET framleiðsla (myndgreining)
» Rúmamiðstöð
» Þjónusta
» Tækni