Ágóði af styrktartónleikum fyrir krabbameinslækningadeild 11E á Landspítala, sem haldnir voru 12. desember 2014, fór í að kaupa sérstakar dýnur í sjúkrarúm deildarinnar. Gestir á tónleikunum voru um 140 og með þeim söfnuðust um 270 þúsund krónur. Það er mikilvægt fyrir krabbameinssjúklinga, sem oft á tíðum eru mikið veikir og jafnvel alveg rúmliggjandi, að vera á góðum dýnum til að fyrirbyggja fylgikvilla rúmlegu.
Margar jólaperlur voru fluttar af góðum hópi tónlistarmanna. Hátt í 40 flytjendur komu fram.
Söngvarar voru Viðar Gunnarsson, bassi, Auður Gunnarsdóttir, sópran og Nathalía D. Halldórsdóttir, mezzosópran, ásamt Kvennakórnum Heklunum.
Kammerhópurinn Stilla var skipaður Sigrúnu Harðardóttur fiðluleikara, Margréti Soffíu Einarsdóttur fiðluleikara, Þórunni Harðardóttur víóluleikara, Grétu Rún Snorradóttur sellóleikara, Lilju Eggertsdóttur píanóleikara og Leifi Gunnarssyni kontrabassaleikara.
Stjórnandi var Lilja Eggertsdóttir.
Á myndinni eru Lilja Eggertsdóttir, listrænn stjórnandi tónleikaraðarinnar, og Halldóra Hálfdánardóttir, deildarstjóri krabbameinsdeildar 11E, við sjúkrarúm með einni af nýju dýnunum.
Margar jólaperlur voru fluttar af góðum hópi tónlistarmanna. Hátt í 40 flytjendur komu fram.
Söngvarar voru Viðar Gunnarsson, bassi, Auður Gunnarsdóttir, sópran og Nathalía D. Halldórsdóttir, mezzosópran, ásamt Kvennakórnum Heklunum.
Kammerhópurinn Stilla var skipaður Sigrúnu Harðardóttur fiðluleikara, Margréti Soffíu Einarsdóttur fiðluleikara, Þórunni Harðardóttur víóluleikara, Grétu Rún Snorradóttur sellóleikara, Lilju Eggertsdóttur píanóleikara og Leifi Gunnarssyni kontrabassaleikara.
Stjórnandi var Lilja Eggertsdóttir.
Á myndinni eru Lilja Eggertsdóttir, listrænn stjórnandi tónleikaraðarinnar, og Halldóra Hálfdánardóttir, deildarstjóri krabbameinsdeildar 11E, við sjúkrarúm með einni af nýju dýnunum.