Starfsfólk Verzlunarskólans og skólinn hafa lagt 140 þúsund krónur í söfnunina til kaupa á aðgerðarþjarka (róbót) fyrir Landspítala. Þeir sem vildu vera með í söfnuninni lögðu sitt fram og skólinn tvöfaldaði upphæðina. Hver króna skiptir máli og þannig er víðar verið að draga saman krónur í þessi tækjakaup.
Aðgerðarþjarki er dýr og nú stendur yfir átak til þess að safna fé til að kaupa á slíku tæki fyrir Landspítala. Framlag Verzlunarskólafólks, sem og allra annarra, í þá söfnun og þannig til framþróunar í skurðaðgerðartækni á landinu, er afar mikilvægt.
Sjá um söfnun fyrir aðgerðarþjarka á vef Íslandsbanka:
Við kaupum róbót
Á myndinni eru Eiríkur Jónsson, yfirlæknir, Ingibjörg Ósk Jónsdóttir dönskukennari, Magnea Ragna Ögmundsdóttir skrifstofustjóri
og Ragnheiður Jónsdóttir skurðhjúkrunarfræðingur.