Í kvenfélaginu eru aðeins 13 konur og helstu fjáröflunarleiðir þeirra eru þorrablót sem er alltaf haldið fyrsta laugardag í þorra, kaffisala á sveitahátíðinni „ Kátt í Kjós“ í júlí ár hvert og aðventumarkaður í desember. Kvenfélagskonurnar taka líka að sér að sjá um kaffiveitingar við ýmis tækifæri og eftir atvikum annað sem til fellur.
Um aðgerðarþjarkann (róbótinn)
Á síðustu árum hefur svokallaður aðgerðarþjarki verið tekinn í notkun á helstu sjúkrahúsum í nágrannalöndunum. Áhald þetta nýtist til margvíslegra skurðaðgerða, sérstaklega þó við þvagfæraskurðlækningar sem og við aðgerðir í grindarholslíffærum kvenna. Aðgerð með þessari aðferð er inngripsminni en ella, bati er skjótari og hægt að hlífa betur nærliggjandi líffærum og viðkvæmri starfsemi. Í raun er um að ræða framlengingu á fingrum skurðlæknisins. Allar hreyfingar verða nákvæmari og sýn skurðlæknisins á aðgerðarsvæðinu framúrskarandi.
Söfnunarsjóður: 515-14-408005 kt. 470313-1370
Á ljósmynd: Eiríkur Jónsson, Jóhanna Hreinsdóttir, formaður Kvenfélags Kjósarhrepps, Anna Björg Sveinsdóttir, Hulda Þorsteinsdóttir, Sigríður Klara Árnadóttir, Guðjón Haraldsson og Katrín Cýrusdóttir.