Friðbert Jónasson fékk norræn vísindaverðlaun á sviði augnlækninga

• 04.11.2013

ForsíðufréttirLækningarForsíðufréttirSkurðlækningaþjónustaLækningarSkurðlækningaþjónusta

Friðbert Jónasson, læknir á augndeild Landspítala og prófessor við læknadeild Háskóla Íslands, tók um helgina við heiðursverðlaunum í Danmörku fyrir einstakan árangur í rannsóknum á sviði augnlækninga. Verðlaunin veitti Synoptic Foundation í Kaupmannahöfn. Sjóður með því nafni hefur árlega veitt heiðursverðlaun norrænum vísindamanni sem náð hefur „framúrskarandi árangri í rannsóknum á sviði augnsjúkdóma og skyldra greina“, eins og segir í rökstuðningi sjóðsins fyrir ákvörðun sinni. Synoptic Foundation hefur veitt þessu virtu verðlaun frá árinu 1996 en í valnefndinni eru m.a. prófessorar við danska háskóla.

Til heiðurs Friðberti var haldið vísindamálþing í Kaupmannahöfn 3. nóvember 2013. Þar fjölluðu norrænir vísindamenn um rannsóknir Friðberts og tengd efni.  Friðbert hélt sjálfur yfirlitsfyrirlestur um rannsóknir sínar og tók við heiðursverðlaunum.

Nánar á vef Háskóla Íslands