Hjúkrunarheimilin Eir og Skógarbær hafa samið við Landspítala (LSH) um að spítalinn veiti Eir og Skógarbæ ráðgjöf og stuðning vegna líknarþjónustu við aldraða sjúklinga sem á henni þurfa að halda þar eftir meðferð og umönnun á LSH. Um er að ræða sjúklinga sem liggja á Landspítala og eru með langt gengna sjúkdóma og verulega skertar lífslíkur, virkt færni- og heilsumat og áætlaðar lífslíkur 6 mánuði eða styttri.
Markmið með samningnum er að stuðla að bættri þjónustu við aldraða með skertar lífslíkur þannig að fleiri sjúklingar njóti viðeigandi meðferðar og umönnunar við lok lífs í rólegu og friðsælu umhverfi á hjúkrunarheimili.
Samstarf um líknarþjónustuna nær til einstaklinga sem liggja á deildum Landspítala hverju sinni og hafa fengið viðeigandi meðferð, umönnun og stuðning. Þeir teljist ekki vera í þörf fyrir sérhæfða meðferð á líknardeild, ekki verði séð fram á að þeir þurfi ástands síns vegna að liggja á sjúkrahúsinu og hægt sé að mæta þörfum þeirra á hjúkrunarheimili. Áður en komi til flutnings á Eir eða Skógarbæ hafi einkennameðferð á LSH skilað árangri þannig að sjúklingnum líði betur og ástandið sé stöðugt. Flutningurinn á Eir eða Skógarbæ sé jákvæður kostur fyrir sjúklinginn.
Líknarráðgjafateymi Landspítala metur sjúklingana áður en þeir fara á biðlista fyrir Eir eða Skógarbæ en um verður að ræða tvö til fjögur pláss á hvorum stað.
Eir og Skógarbær vinna eftir hugmyndafræði líknarmeðferðar um þarfir einstaklingsins og fjölskyldu hans. Áhersla er lögð á lífsgæði og litið á dauðann sem eðlileg þáttaskil. Landspítali skuldbindur sig til að styðja starfsfólkið á Eir og í Skógarbæ með sérhæfðri fræðslu áður en skjólstæðingar koma frá sjúkrahúsinu. Auk þess getur starfsfólkið á hjúkrunarheimilunum leitað ráðgjafar frá líknarráðgjafateymi LSH og heimahlynningu LSH.
Fyrstu sjúklingarnir verða teknir inn á Eir og Skógarbæ í febrúar 2013 samkvæmt þessum samningi.
Markmið með samningnum er að stuðla að bættri þjónustu við aldraða með skertar lífslíkur þannig að fleiri sjúklingar njóti viðeigandi meðferðar og umönnunar við lok lífs í rólegu og friðsælu umhverfi á hjúkrunarheimili.
Samstarf um líknarþjónustuna nær til einstaklinga sem liggja á deildum Landspítala hverju sinni og hafa fengið viðeigandi meðferð, umönnun og stuðning. Þeir teljist ekki vera í þörf fyrir sérhæfða meðferð á líknardeild, ekki verði séð fram á að þeir þurfi ástands síns vegna að liggja á sjúkrahúsinu og hægt sé að mæta þörfum þeirra á hjúkrunarheimili. Áður en komi til flutnings á Eir eða Skógarbæ hafi einkennameðferð á LSH skilað árangri þannig að sjúklingnum líði betur og ástandið sé stöðugt. Flutningurinn á Eir eða Skógarbæ sé jákvæður kostur fyrir sjúklinginn.
Líknarráðgjafateymi Landspítala metur sjúklingana áður en þeir fara á biðlista fyrir Eir eða Skógarbæ en um verður að ræða tvö til fjögur pláss á hvorum stað.
Eir og Skógarbær vinna eftir hugmyndafræði líknarmeðferðar um þarfir einstaklingsins og fjölskyldu hans. Áhersla er lögð á lífsgæði og litið á dauðann sem eðlileg þáttaskil. Landspítali skuldbindur sig til að styðja starfsfólkið á Eir og í Skógarbæ með sérhæfðri fræðslu áður en skjólstæðingar koma frá sjúkrahúsinu. Auk þess getur starfsfólkið á hjúkrunarheimilunum leitað ráðgjafar frá líknarráðgjafateymi LSH og heimahlynningu LSH.
Fyrstu sjúklingarnir verða teknir inn á Eir og Skógarbæ í febrúar 2013 samkvæmt þessum samningi.
Ljósmynd: Valgerður Sigurðardóttir yfirlæknir; Vilhelmína Haraldsdóttir framkvæmdastjóri lyflækningasviðs; Birna Kr. Svavarsdóttir, hjúkrunarforstjóri Eirar; Arndís Jónsdóttir, sérfræðingur í hjúkrun í líknarráðgjafateymi; Sigríður Gunnarsdóttir, framkvæmdastjóri hjúkrunar á Landspítala; Svandís Íris Hálfdánardóttir, sérfræðingur í hjúkrun; Kristín Högnadóttir, fræðslustjóri Eirar; Dóra Halldórsdóttir, hjúkrunardeildarstjóri á líknardeild í Kópavogi; Ingibjörg Hjaltadóttir, hjúkrunarfræðingur á lyflækningasviði; Helga Tryggvadóttir, hjúkrunardeildarstjóri í Skógarbæ; Jónbjörg Sigurjónsdóttir, hjúkrunarforstjóri í Skógarbæ; Bragi Skúlason sjúkrahúsprestur.