Dagbjört Þyri Þorvarðardóttir og Hrund S. Thorsteinsson hafa verið ráðnar stjórnendur á hinu nýja vísinda- og þróunarsviði Landspítala frá og með 1. febrúar 2013 til 5 ára. Áfram er unnið er að ráðningu stjórnenda gæða- og sýkingavarnardeildar og vísindadeildar.
|
|
Dagbjört Þyri Þorvarðardóttir verður deildarstjóri flæðisdeildar. Deildin hefur m.a. það hlutverk að stuðla að því að dvöl sjúklinga á sjúkrahúsinu sé skilvirk hvað varðar aðkomu þeirra að sjúkrahúsinu, flutning milli deilda og útskriftir. Deildin mun leggja áherslu á að efla samvinnu deilda og fagmannleg samskipti í þágu sjúklinga, auk þess að tryggja árangursrík samskipti við aðrar heilbrigðisstofnanir varðandi flutninga sjúklinga milli stofnana og dvalartíma. |
| Hrund S. Thorsteinsson verður deildarstjóri menntadeildar. Deildin hefur m.a. það hlutverk að stuðla að skilvirku skipulagi grunnnáms, framhaldsnáms og símenntunar heilbrigðisstétta á sjúkrahúsinu. Deildin mun einnig leggja áherslu á verkefni sem hvetja til fagmannlegra vinnubragða, sérstaklega er varðar þverfaglega samvinnu, samskipti og skráningu upplýsinga í þágu sjúklinga.
Hrund á að baki langa reynslu af störfum í heilbrigðiskerfinu, m.a. sem farsæll stjórnandi. Hún hefur mikla reynslu af störfum er varða menntun heilbrigðisstétta á spítalanum og tengdum málefnum.
|