Heilbrigðisritari/ skrifstofumaður í móttöku, svefnmiðstöð í Fossvogi
Við viljum fjölga í öflugu teymi okkar og óskum eftir öflugum einstaklingi til starfa á svefndeild í Fossvogi. Starfið felur í sér mikil samskipti og fjölbreytt og krefjandi verkefni. Unnið er í dagvinnu, virka daga.
Deildin sinnir greiningu og meðferð svefntengdra sjúkdóma. Á svefnmiðstöðina koma m.a. einstaklingar sem þurfa á svefnöndunartæki að halda og eftirfylgd er m.a. sinnt með fjarþjónustu. Starfið krefst sjálfstæðra vinnubragða og unnið er í þverfaglegri teymisvinnu.
Við leitum eftir framsæknum, jákvæðum og metnaðarfullum einstaklingi með góða samskiptahæfni. Starfið krefst sjálfstæðra vinnubragða og unnið er í þverfaglegri teymisvinnu. Við tökum vel á móti nýju samstarfsfólki og veitum góða einstaklingshæfða aðlögun. Æskilegt að umsækjandi geti hafið störf sem fyrst.
- Almenn símavarsla og upplýsingagjöf
- Móttaka, skráning og bókun sjúklinga sem koma í viðtöl
- Ábyrgð á daglegum viðfangsefnum deildar skv. verklagi, s.s. utanumhald um biðlista, umsjón með fyrirspurnum og þjónusta við sjúklinga
- Önnur tilfallandi verkefni í samráði við deildarstjóra og yfirlækni
- Heilbrigðisritaramenntun, stúdentspróf og/ eða reynsla af ritarastörfum
- Skipulögð vinnubrögð, nákvæmni og áreiðanleki
- Jákvætt viðmót og lipurð í samskiptum
- Góð íslensku- og enskukunnátta
- Góð almenn tölvukunnátta
Frekari upplýsingar um starfið
Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.
Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.
Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.
Starfsmerkingar: Heilbrigðisþjónusta, heilbrigðisritari, skrifstofumaður, skrifstofustörf, ritari, teymisvinna
Íslenska 4/5, enska 3/5