Fagstjóri geislalyfjaframleiðslu (responsible person-RP) á Ísótópastofu

Á Ísótópastofu Landspítala er hringhraðall, jáeindaskanni og gammamyndavél og þar eru framkvæmdar fjölbreyttar myndgreiningarrannsóknir til sjúkdómsgreiningar. Á Ísótópastofu eru framleidd geislavirk efni til sjúkdómsgreiningar og í náinni framtíð einnig til meðferðar sjúkdóma. Mikill vöxtur er í starfsemi sem þessari víða og þróun og framfarir miklar. 

Til að styrkja þróunina á Ísótópastofu Landspítala er þörf er á reyndum, þróttmiklum og áhugasömum einstaklingi til að sinna starfi fagstjóra geislalyfjaframleiðslu. Starfsemin mun flytja í nýjan meðferðarkjarna við Hringbraut innan fárra ára og með annarri starfsemi myndgreiningarþjónustu Landspítala.

Innan myndgreiningarþjónustu starfa á annað hundrað manns. Þar fer fram fjölbreytt starfsemi í þágu þeirra sem nýta sér þjónustu Landspítala. Við leggjum ríka áherslu á jákvæðni, fagmennsku og virðingu gagnvart samstarfsfólki, skjólstæðingum sem og vinnustaðnum öllum auk góðra samskipta.

Starfsemin er innan ramma Good Manufacturing Practice (GMP) og eftir því sem við á Good Distribution Practice (GDP).

Fagstjóri fer fyrir geislalyfjaframleiðslu á ísótópastofu LSH varðandi GMP og GDP  hluta. Fagstjóri heyrir undir yfirlækni ísótópastofu og starfar í nánu sambandi við læknisfræðilegan eðlisfræðing ásamt öðrum fagstéttum og er lögð sérstök áhersla á góða samvinnu.

Um er að ræða fullt dagvinnustarf og er starfið laust nú þegar eða samkvæmt samkomulagi