Hjúkrunarfræðingur á göngudeild bæklunarskurðlækninga

Hjúkrunarfræðingur óskast til starfa á göngudeild bæklunarskurðlækninga í Fossvogi. Á deildina leita sjúklingar á öllum aldri vegna brota og annara áverka. Einnig er þar sinnt eftirfylgd eftir aðgerðir sem og framkvæmdar dagaðgerðir.  Starfshlutfall er 70-100%, unnið er í dagvinnu og er starfið laust nú þegar eða eftir nánara samkomulagi. Möguleiki er á sveigjanlegum vinnutíma og boðið upp á 4, 6 og 8 klst. vaktir. 

Starfsánægja á deildinni er mjög góð og hér skipta góð samskipti og gagnkvæm virðing miklu máli. Mikil fjölbreytni er í starfi og góð samvinna starfsstétta þar sem er unnið markvisst að umbótum og framþróun. 

Á deildinni starfar öflugur hópur hjúkrunarfræðinga sem getur miðlað mikilli þekkingu og reynslu og starfið gefur góða möguleika á starfsþróun. Áhersla er lögð á að taka vel á móti nýju samstarfsfólki og að veita góða og markvissa aðlögun. 

Vinnuvika starfsfólks í fullri dagvinnu er nú 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.