Sérhæfður starfsmaður - dagvinna á göngudeild húð- og kynsjúkdóma
Jákvæður, metnaðarfullur og þjónustulipur einstaklingur óskast til starfa á göngudeild húð- og kynsjúkdóma Landspítala í Fossvogi. Viðkomandi þarf að hafa ríka samskipta- og samstarfshæfni. Starfið er fjölbreytt og felst meðal annars í vinnu við meðferð og fræðslu vegna húðsjúkdóma svo sem ljósa- og lyfjaböð.
Starfshlutfall er 67-100%. Vinnutími í 67% starfshlutfalli er mánudaga, miðvikudaga og föstudaga kl. 8-16. Vinnuvika í fullu starfi er 36 klukkustundir. Deildin er opin virka daga kl. 8-16.
Starfið er laust nú þegar, eða samkvæmt samkomulagi. Við tökum vel á móti nýju samstarfsfólki og veitum góða einstaklingshæfða aðlögun. Samvinna er til fyrirmyndar í 15 manna samhentum hópi hjúkrunarfræðinga, lækna og ritara.
- Meðferð og fræðsla vegna húðsjúkdóma (ljósameðferðir og lyfjaböð)
- Önnur verkefni í samráði við deildarstjóra
- Jákvætt viðmót og góð samskiptahæfni
- Sjálfstæði í vinnubrögðum
- Góð íslenskukunnátta í mæltu og rituðu máli
- Stúdentspróf eða sambærileg menntun
- Reynsla af störfum innan heilbrigðisþjónustunnar er æskileg en ekki skilyrði
- Lágmarksaldur umsækjenda er 18 ár
Frekari upplýsingar um starfið
Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.
Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.
Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.
Starfsmerkingar: Heilbrigðisþjónusta, Sérhæfður starfsmaður
Tungumálahæfni: íslenska 3/5,