Ráðgjafi/ stuðningsfulltrúi á barna- og unglingageðdeild
Ráðgjafi/ stuðningsfulltrúi óskast til starfa á legudeild barna- og unglingageðdeildar Landspítala. Um framtíðarstarf er að ræða og óskað er sérstaklega eftir starfsmanni til að vinna næturvaktir. Deildin er 17 rúma bráðadeild sem veitir fjölskyldumiðaða sólarhringsþjónustu. Hlutverk deildarinnar er að sinna börnum og fjölskyldum þeirra sem þurfa á tímabundinni sjúkrahúsinnlögn að halda vegna geðræns vanda barns.
Á deildinni starfa um 50 einstaklingar í þverfaglegu teymi. Við bjóðum markvissa, einstaklingshæfða starfsaðlögun í fjölskylduvænu starfsumhverfi. Góður starfsandi er ríkjandi á deildinni. Starfshlutfall er 80-100% og er upphafs starfs samkvæmt samkomulagi.
- Starfar í þverfaglegu teymi við umönnun og meðferð barna og unglinga með geðrænan vanda og fjölskyldna þeirra
- Tekur þátt í umbótastarfi og þróun þjónustu
- Stuðlar að góðum starfsanda
- Menntun á sviði heilbrigðis-, mennta- eða félagsvísinda sem nýtist í starfi
- Reynsla af meðferðar-, umönnunar- eða uppeldisstörfum
- Áhugi á veitingu geðheilbrigðisþjónustu fyrir börn
- Framúrskarandi færni í samskiptum
- Faglegur metnaður, jákvætt hugarfar og frumkvæði
- Hæfni til að starfa samkvæmt öryggisverkferlum deildar
- Góð almenn tölvukunnátta og geta til að læra nýjungar
- Góð íslenskukunnátta, í mæltu og rituðu máli
- Kunnátta í tungumáli stórra samfélagshópa á Íslandi sem eiga íslensku ekki að móðurmáli er kostur
- Hreint sakavottorð
Frekari upplýsingar um starfið
Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt afriti af prófskírteinum og starfsleyfi, ef við á. Fylgiskjöl skulu vera á pdf formi.
Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.
Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.
Umsækjendur skulu framvísa nýju sakavottorði áður en til ráðningar getur komið, sbr. meginreglur laga um barnavernd sem m.a. koma fram í 2. mgr. 36. gr. laga nr. 80/2002.
Starfsmerkingar: Heilbrigðisþjónusta, Ráðgjafi, stuðningsfulltrúi, umönnun, Sérhæfður starfsmaður
Tungumálahæfni: íslenska 3/5