Geislafræðingar - Áhugaverð störf á röntgendeild
Ertu hugmyndaríkur og tilbúinn að takast á við krefjandi verkefni?
Við leitum eftir jákvæðum og metnaðarfullum geislafræðingum í fjölbreytt störf í öflugt teymi okkar á röntgendeild Landspítala. Á Landspítala er stærsta og fjölbreyttasta röntgendeild landsins. Góð tækifæri til að starfa við almennt röntgen, skyggningar, tölvusneiðmyndir, segulómun, jáeindaskanna og ísótópa. Á deildinni vinnur þverfaglegur og öflugur hópur starfsfólks þar sem lögð er áhersla á fagleg vinnubrögð, góðan starfsanda, nýliðun í stéttinni, virðingu gagnvart vinnustaðnum og starfsfólki.
Starfið er laust 1. nóvember 2024 eða samkvæmt nánara samkomulagi.
- Framkvæmd myndgreiningarannsókna
- Sérhæfð verkefni eftir atvikum sem heyra undir starfsemi deildar
- Virk þátttaka í gæðastarfi
- Skráning í upplýsingakerfi deildarinnar (RIS og PACS)
- Stuðla að góðri myndgreiningarþjónustu
- Starfsleyfi geislafræðings
- Mjög góð samskiptahæfni og fagleg framkoma gagnvart þjónustuþegum og öllu samstarfsfólki
- Hæfni, vilji og geta til starfa í teymi
- Stundvísi og áreiðanleiki
- Faglegur metnaður og sjálfstæði í starfi
- Frumkvæði og skipulagsfærni
- Góð íslenskukunnátta
Frekari upplýsingar um starfið
Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.
Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.
Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.
Starfsmerkingar: Heilbrigðisþjónusta, geislafræðingur
Tungumálahæfni: íslenska 3/5