Almennir læknar óskast á sýkla- og veirufræðideild Landspítala (SVEID)
Lausar eru til umsóknar tvær stöður almennra lækna við Sýkla- og veirufræðideild Landspítala, til 6 mánaða að lágmarki, með möguleika á framlengingu.
Sýkla- og veirufræðideild Landspítala er þjónustu- og tilvísunarrannsóknastofa fyrir Ísland á sviði bakteríu-, veiru-, sveppa- og sníkjudýrafræði. Deildin vinnur jafnframt með sóttvarnarlækni og öðrum heilbrigðisyfirvöldum að bættri lýðheilsu. Áhersla er lögð á góða þjónustu, virka teymisvinnu og stöðugar umbætur í þágu sjúklinga.
Veirufræðihluti deildarinnar er staðsettur í Ármúla 1a en sýklafræðihlutinn er að mestu leyti staðsettur á lóð Landspítalans við Barónsstíg. Á deildinni starfa nú um 80 starfsmenn, þar af eru átta sérfræðilæknar og tveir almennir læknar.
Læknar Sýkla- og veirufræðideildar gegna mikilvægu hlutverki í starfsemi deildarinnar. Þeir veita almenna ráðgjöf um greiningu smitsjúkdóma og aðstoða við val á rannsóknum, sýnatökum og -sendingum. Sjá um miðlun og túlkun rannsóknaniðurstaðna og taka mikinn þátt í gæðastarfi deildarinnar, meðal annars ritun gæðaskjala og staðfestingu. Unnið er bæði í dagvinnu og á gæsluvöktum. Ætlunin er að almennir læknar taki, eftir aðlögunartíma, þátt í læknastarfinu ásamt því að vera á gæsluvöktum með stuðningi sérfræðilæknis á bakvakt.
- Læknisstörf við veirufræði í Ármúla 1a og/eða á bakteríu-, sveppa- og sníkjudýrahluta deildarinnar við Barónsstíg
- Þátttaka í gæsluvöktum lækna deildarinnar þegar á líður (með stuðningi sérfræðilæknis á bakvakt)
- Þátttaka í kennslu og leiðsögn fyrir heilbrigðisstarfsmenn og nema
- Þátttaka í vísindarannsóknum sem tengjast sérgreininni æskileg
- Almennt lækningaleyfi (íslenskt eða frá evrópska efnahagssvæðinu)
- Sérnámsgrunni eða sambærilegu starfsnámi sé lokið við upphaf starfs
- Kunnátta í íslensku og/eða ensku eða Norðurlandamáli
- Frumkvæði og sjálfstæð vinnubrögð
- Hæfni í mannlegum samskiptum
Frekari upplýsingar um starfið
Í umsóknarformið skal skrá inn upplýsingar um:
- Fyrri störf, menntun og hæfni
- Félagsstörf og umsagnaraðila
Nauðsynleg fylgiskjöl:
- Vottað afrit af prófskírteinum og starfsleyfum
- Ferilskrá og kynningarbréf
Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum. Öllum umsóknum verður svarað.
Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Landspítali hefur hlotið jafnlaunavottun samkvæmt jafnlaunastaðlinum ÍST85:2012.
Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.
Starfsmerkingar: Heilbrigðisþjónusta, læknir