Landspítali Háskólasjúkrahús

Fagmennska er þýðing á enska orðinu Professionalism. Hugtakið grundvallast á faglegri þekkingu og birtist sem fagleg framkoma; gagnvart sjúklingum einkennist hún af virðingu, umhyggju og nærgætni; gagnvart samverkafólki af miðlun þekkingar, virðingu, heiðarleika og trausti og gagnvart samfélaginu af þjónustu, menntun og vísindastarfi. 

Jafnræði táknar að allir þegnar samfélagsins séu jafnir. Þeir sem leita til geðsviðs Landspítala fá þjónustu á grundvelli þarfa sinna óháð þáttum sem aðgreina þá sem einstaklinga. Starfsmenn Landspítala njóta jafnræðis í starfi.

Virðing táknar virðingu fyrir sjúklingum og aðstandendum. Starfsmönnum er umhugað um velferð sjúklinga og aðstandenda. Sjúklingurinn er í fyrirrúmi, viðhorf hans og óskir eru virtar. Starfsmenn bera virðingu fyrir sjálfum sér og samstarfsmönnum sínum. 

Sjúkrahús eru áhættusvæði. Þess vegna hefur starfsfólk geðsviðs Landspítala öryggi sjúklinga, starfsfólks og umhverfis að leiðarljósi. 

Þekking er hornsteinn heilbrigðis. Landspítali er þekkingarsetur sem byggir tilvist sína á að starfsfólk búi yfir og afli sér þekkingar. Þekkingaröflun er leið til að takast á við framtíðina.

Samvinna er hér skilgreind út frá enska orðinu Partnership. Samvinna er samband sem skapast milli tveggja einstaklinga eða fleiri sem vinna saman að einhverju ákveðnu verki/verkefni. Hver einstaklingur leggur til s.s. vinnu, þekkingu og færni með það fyrir augum að deila því með öðrum og þannig ná takmarki sem sett hefur verið.